Саудия Арабистонининг "Ал-Ҳилол" клуби устози Симоне Индзаги клублар ўртасидаги жаҳон чемпионати 1/8 финалидан ўрин олган "Манчестер Сити"га қарши ўйиндан сўнг ўз фикрларини билдириб ўтди.
Италиялик мутахассис шогирдлари қўшимча бўлимда 4:3 ҳисобида ғалаба қозонди.
"Бу ўйинда биз ақл бовар қилмайдиган нимадир кўрсатдик. Бизга қандай кучли рақиб қарши туришини билардик. Бу учрашувда менинг жамоам ажойиб эди. Пеп Гвардиола дунёнинг энг яхши мураббийи ҳисобланади, аммо бу ўйинда биз қўлимиздан келганини қилдик ва ҳақли равишда ғалаба қозондик," - дея мутахассиснинг сўзларини келтиради инсайдер Пол Херст.
Мусобақанинг чорак финалида "Ал-Ҳилол"га Бразилиянинг "Флуминенсе" клуби рақиблик қилади.
