"Манчестер Сити" бош мураббийи Хосеп Гвардиола жамоанинг клублар жаҳон чемпионатидан чиқиб кетгани ҳақида фикр билдирди.
Бугун, 1 июль куни, "Манчестер Сити" 1/8 финал босқичида "Ал-Ҳилол"га 3:4 ҳисобида мағлуб бўлиб, мусобақани тарк этди.
"Афсуски, биз жуда яхши ҳолатда эдик. Ўйинчиларимизга миннатдорчилик билдирмасдан иложим йўқ. Улар қандай машқ қилганлари ва тайёргарлик кўрганлари, ҳамма нарсани берганларини кўрдим. Менга шундай туюладики, жамоада ҳаммаси жойида, лекин биз уйга қайтишга мажбурмиз. Энди дам олиш ва фикрларни янгилаш, сўнгра келаси мавсумда қайтиш вақти келди," - дея Гвардиоланинг сўзларини City Xtra келтиради.
Англия Премьер-лигасининг янги мавсуми август ойида бошланади.
