Англиялик журналистлар "Арсенал"нинг янги аъзоси қачон клубда тиббий кўрикдан ўтишини маълум қилди.
Лондон клуби қисқа вақт ичида Партининг ўрнини босувчи футболчи топди ва "Брентфорд" билан Кристиан Нёргард трансфери бўйича келишувга эришди. Аммо "канонирлар" ҳали янги футболчини расман таништиргани йўқ.
Ярим ҳимоячи ва "Арсенал" ўртасидаги келишув шу ҳафтада якунига етиши айтилмоқда.
"Нергард келишувга эришилганда таътилда эди, аммо у шу ҳафта тиббий кўрикдан ўтиши ва келишув якунланиши кутилмоқда," - деди манба.
Эслатиб ўтамиз, Нёргарднинг трансфери "Арсенал"га 10 млн фунт + 2 млн фунт бонусга тушганди.
