Июль ойининг биринчи кунида "Арсенал" "Челси"дан дарвозабон Кепа Аррисабалага ўз сафига ўтганини эълон қилди. Бу ҳақда "канонирлар" бош мураббийи Микель Артета фикр билдирди.
"Кепа бизга қўшилганидан жуда хурсандмиз. Биз футболчини таниймиз, биз у билан сўнгги мавсумларда кўп маротаба тўқнаш келганмиз. У жамоадошларига фойда келтирадиган бой тажриба олиб келади ва у ғалабага чинакам чанқоқ. Кепа жуда кўп ишлайди ва бизнинг даражамизни оширади. Биламан, у жамоадошларимиздан баъзиларини аллақачон билади. Биз у "Арсенал"да эканлигидан жуда ҳам хурсандмиз", - деди Артета.
Англия Премьер-лигасининг навбатдаги мавсуми август ойи ўрталарида бошланади.
