"Галатасарой" "Интер"нинг 31 ёшли ярим ҳимоячиси Ҳоқон Чалханўғлини ўз сафига қўшиб олмоқчи, бироқ унинг учун 15 миллион евродан ортиқ маблағ таклиф қилишга тайёр эмас, дея хабар бермоқда журналист Орацио Аккомандо.
Манбага кўра, "Интер" туркиялик футболчи учун 40 миллион евро олмоқчи. Чалхонўғлига унинг агенти билан алоқага чиққан "Манчестер Юнайтед" ва "Фулхэм" клублари ҳам қизиқиш билдирмоқда.
Аввалроқ, "Интер" клуби форварди Лаутаро Мартинес клублар ўртасидаги жаҳон чемпионатидаги мағлубиятдан сўнг, агар футболчилардан кимдир кетишни истаса, шундай қилиши кераклигини айтганди. Клуб президенти Жузеппе Маротта Мартинеснинг сўзлари Чалханўғлига қаратилган бўлиши мумкинлигига ишора қилди.
