Дортмунднинг "Боруссия" клуби клублар ўртасидаги жаҳон чемпионати 1/8 финалида "Монтеррей"дан устун келди (2:1).

Учрашув қаҳрамони дубль қайд этган Серу Гирасси бўлди. 29 ёшли футболчи 24-дақиқага келиб икки марта гол урди, кейинроқ яна тўрт марта рақиб дарвозасига зарба берди, бироқ хет-трик барибир амалга ошмади. Эътиборлиси, "асаларилар"нинг бошқа ҳеч бир футболчиси бутун ўйин давомида зарба бермади - дортмундликларда бўлган олтита зарбанинг барчасини Гирасси амалга оширди. Бундай статистик аномалияни жуда кам учратиш мумкин.

"Монтеррей" бунга жавобан 14 бор зарба берди, аммо фақат биттаси муваффақиятли чиқди - Герман Бертераме 48-дақиқада Грегор Кобелни хафа қилди.

Чорак финалда "Боруссия"га Мадриднинг "Реал" клуби рақиблик қилади.