"Ювентус" футболчиси Филип Костич тез орада жамоани тарк этиши мумкин. Сербиялик футболчи "кекса синьора"нинг клублар ўртасидаги жаҳон чемпионатида иккита ўйинида, жумладан "Реал" билан 1/8 финал учрашувида иштирок этди. 32 ёшли футболчи "Лос Бланкос" билан ўйинда захирадан майдонга тушди, аммо мағлубиятдан қутулиб қолишга ёрдам бера олмади (0:1).
Инсайдер Николо Скиранинг сўзларига кўра, Костич шу ёзда "бьянконерлар" сафини тарк этиши мумкин: номи ошкор этилмаган итальян ва хориж клублари унга қизиқиш билдиришди, улар аллақачон эҳтимолий келишув ҳақида маълумот сўрашган.
2024/25 йилги мавсумда Филип Костич Туркиянинг “Фенербахче” клубида ижара асосида ўйнаган. Игор Тудор тизимида чап қанот ҳимоячиси сифатида ўйнаётган ярим ҳимоячининг ҳозирги нархи Transfermarkt портали томонидан 5 миллион еврога баҳоланган.
