"Манчестер Сити" нинг марказий ярим ҳимоячиси Тиджани Рейндерс жамоа Клублар жаҳон чемпионатидан чиқиб кетганидан сўнг ўз фикрини билдирди.
"Клублар жаҳон чемпионатидан кўпроқ нарса кутган эдим, аммо шахсан ўзим жамоага қабул қилинганим учун миннатдорман. Энди дам олиш вақти келди, бир неча ҳафтадан сўнг қайтаман," дея ёзди Рейндерс ўзининг ижтимоий тармоқдаги саҳифасида.
Эслатиб ўтамиз, жорий ёз мавсумида "шаҳарликлар" 26 ёшли нидерландиялик футболчини "Милан"дан 55 миллион еврога сотиб олган эди.













