Африка қитъаси футболчиларига ихтисослашган AfricaFoot нашри хабарига кўра, Мадриднинг "Атлетико" клуби "Фулхэм"нинг нигериялик вингери Алекс Ивобини кузатиб бормоқда.
"Атлетико" уни "Арсенал"да ўйнаб юрган пайтидаёқ пайқаган. Юқоридаги манбага кўра, "Атлетико" аллақачон "Фулхэм"га 25 миллион евролик таклиф юборган, Ивобининг ўзига эса 4 йиллик шартнома таклиф қилишган. Футболчининг вакиллари бу таклифга жиддий қизиқиш билдирмоқда.
Эслатиб ўтамиз, Ивоби 2024/25 йилги мавсумда "Фулхэм" сафида барча мусобақаларда 44 та ўйинда майдонга тушиб, 9 та гол урди ва 6 та голли узатмани амалга оширди.
