Футбол дунёси Диогу Жотанинг вафотидан ларзага келиб, чуқур қайғуга ботди. "Ливерпуль" ҳужумчиси укаси Андре Силва билан бирга аянчли автоҳалокатда ҳалок бўлди. Мадриднинг "Реал" клуби ҳужумчиси Винисиус Жуниор бу фожиали воқеага муносабат билдирди.
"Диогу ва унинг укаси Андре Силванинг руҳлари шод бўлсин. Уларнинг бутун оиласига сабр-тоқат тилайман!" - дея ёзди Винисиус ижтимоий тармоқларда.
Диогу Жота 28 ёшда, Андре Силва эса 25 ёшда эди. Йўл-транспорт ҳодисасининг эҳтимолий сабаби сифатида шинанинг ёрилиши кўрсатилмоқда. Автомобиль йўлдан чиқиб кетиб, ёниб кетган.
