"Милан" Марко Асенсионинг хизматларига қизиқиш билдирмоқда.
L'Equipe нашрининг хабар беришича, Италия клуби "ПСЖ" вингерининг трансфери бўйича музокараларни бошлаган. Шунингдек, испаниялик футболчини ўз сафига қўшиб олиш истагини унинг атрофидагиларга "Вильярреал" ҳам маълум қилган, аммо Ла Лига клубида бунинг учун зарур ресурслар бўлиши даргумон.
Асенсио учун яна бир даъвогар - "Фенербахче." Турк клуби футболчига бонуслар билан бирга йилига 15 млн евро таклиф қилган, аммо Марко Истанбулга кўчиб ўтишни устувор вариант деб ҳисобламайди ва барча имкониятларни кўриб чиқмоқчи.
Ҳужумчи сўнгги ярим йилни "Астон Вилла"да ижарада ўтказди.
