"Монако" ярим ҳимоячиси Поль Погба Франция терма жамоасига қайтиши ҳақида ҳазиллашди.
Футболчи французлар бош мураббийи Дидье Дешам билан ўйлаб топилган суҳбат ҳақида гапириб берди:
"Франция терма жамоаси? Дешам билан телефонда гаплашдим ва у: "Ҳаммаси жойида, сен "Монако" билан шартнома имзоладинг, шунинг учун истаган пайтингда қайтишинг мумкин," деди. Йўқ, шунчаки ҳазиллашяпман. Аммо, албатта, ҳар бир француз футболчисининг орзуси - миллий терма жамоада ўйнаш", - деди Погба.
Эслатиб ўтамиз, 32 ёшли Погба 28 июнь куни монаколиклар билан расман шартнома имзолаган эди.
