Дортмунднинг "Боруссия" клуби вакиллари англиялик форвард Жейми Байно-Гиттенс Лондоннинг "Челси" клубига ўтиш бўйича келишувни деярли расмийлаштирганини тасдиқлади.
"Барча манфаатдор томонлар бу борада принципиал келишувга эришди. Шартнома тафсилотлари ишлаб чиқилмоқда," - дейилади бугун тушдан кейин немис клуби сайтида эълон қилинган расмий баёнотда.
Гиттенс 65 миллион евро эвазига "Челси"га ўтиши кутилмоқда, футболчининг шартномаси эса 7 йил муддатга тузилади. Ўтган мавсумда 20 ёшли футболчи 49 та ўйинда майдонга тушиб, 12 та гол урди ва 5 та голли узатмани амалга оширди.
