Dortmundning "Borussiya" klubi vakillari angliyalik forvard Jeymi Bayno-Gittens Londonning "Chelsi" klubiga o‘tish bo‘yicha kelishuvni deyarli rasmiylashtirganini tasdiqladi.
"Barcha manfaatdor tomonlar bu borada prinsipial kelishuvga erishdi. Shartnoma tafsilotlari ishlab chiqilmoqda," - deyiladi bugun tushdan keyin nemis klubi saytida e’lon qilingan rasmiy bayonotda.
Gittens 65 million yevro evaziga "Chelsi"ga o‘tishi kutilmoqda, futbolchining shartnomasi esa 7 yil muddatga tuziladi. O‘tgan mavsumda 20 yoshli futbolchi 49 ta o‘yinda maydonga tushib, 12 ta gol urdi va 5 ta golli uzatmani amalga oshirdi.
