Ўтмишда "Бавария," "Арсенал" ва "Интер" клубларида тўп тепган ҳужумчи Лукас Подольски сўнгги йилларда юқоридаги даражалардан узоқ бўлган клубларда ўйнаётган бўлса-да, фаолиятини якунламаяпти.
2021 йилдан бери у Польшанинг "Гурник" клуби аъзоси ҳисобланади ва айтиш керакки, у етарлича муваффақиятли ўйнамоқда, 109 та ўйинда 25 та гол урган. Буларнинг барчаси уни фаолиятини давом эттиришга ундамоқда - Польша клуби матбуот хизмати германиялик фахрий билан шартнома яна бир мавсумга узайтирилганини маълум қилди.
Шу билан бирга, Подольски, аввал хабар берганимиздек, ўзининг шаурма савдоси бўйича бизнесини муваффақиятли ривожлантирмоқда - унинг бутун Германия бўйлаб 40 дан ортиқ нуқталари мавжуд.
