O‘tmishda "Bavariya," "Arsenal" va "Inter" klublarida to‘p tepgan hujumchi Lukas Podolski so‘nggi yillarda yuqoridagi darajalardan uzoq bo‘lgan klublarda o‘ynayotgan bo‘lsa-da, faoliyatini yakunlamayapti.
2021 yildan beri u Polshaning "Gurnik" klubi a’zosi hisoblanadi va aytish kerakki, u yetarlicha muvaffaqiyatli o‘ynamoqda, 109 ta o‘yinda 25 ta gol urgan. Bularning barchasi uni faoliyatini davom ettirishga undamoqda - Polsha klubi matbuot xizmati germaniyalik faxriy bilan shartnoma yana bir mavsumga uzaytirilganini ma’lum qildi.
Shu bilan birga, Podolski, avval xabar berganimizdek, o‘zining shaurma savdosi bo‘yicha biznesini muvaffaqiyatli rivojlantirmoqda - uning butun Germaniya bo‘ylab 40 dan ortiq nuqtalari mavjud.
