"Барселона" ҳужумчиси Ламин Ямал 12 июль куни Ибицада махфий зиёфат ўтказмоқчи. Бу ҳақда Cope нашри Х (аввалги Twitter) ижтимоий тармоғида хабар берди. Испаниялик футболчи 18 ёшга тўлади.
"Кўк-анорранглилар" ўйинчисининг туғилган кунида турли мусиқа ижрочилари, жумладан қўшиқчи Бад Гьял ва хонанда Озуна чиқиш қилишлари кутилмоқда. Бундан ташқари, тадбирда телефонлардан фойдаланиш тақиқланади. Ҳозирча зиёфатнинг аниқ жойи номаълум, у байрам куни таклиф этилган меҳмонларга маълум қилинади.
Яқинда Ямал ўзининг ижтимоий тармоқларида "Сантос" вингери Неймар билан Бразилиядан суратлар жойлаштирган ва "Барселона" ҳамда "ПСЖ"нинг собиқ футболчисини ўзининг кумири деб таърифлаган эди.
