"Barselona" hujumchisi Lamin Yamal 12 iyul kuni Ibisada maxfiy ziyofat o‘tkazmoqchi. Bu haqda Cope nashri X (avvalgi Twitter) ijtimoiy tarmog‘ida xabar berdi. Ispaniyalik futbolchi 18 yoshga to‘ladi.

"Ko‘k-anorranglilar" o‘yinchisining tug‘ilgan kunida turli musiqa ijrochilari, jumladan qo‘shiqchi Bad Gyal va xonanda Ozuna chiqish qilishlari kutilmoqda. Bundan tashqari, tadbirda telefonlardan foydalanish taqiqlanadi. Hozircha ziyofatning aniq joyi noma’lum, u bayram kuni taklif etilgan mehmonlarga ma’lum qilinadi.

Yaqinda Yamal o‘zining ijtimoiy tarmoqlarida "Santos" vingeri Neymar bilan Braziliyadan suratlar joylashtirgan va "Barselona" hamda "PSJ"ning sobiq futbolchisini o‘zining kumiri deb ta’riflagan edi.