"Челси" бош мураббийи Энцо Маресканинг айтишича, лондонликлар вингери Педру Нету Португалия терма жамоасидаги шериги Диогу Жотанинг вафоти туфайли клублар ўртасидаги жаҳон чемпионати чорак финалида "Палмейрас"га қарши ўйнай олмаслиги мумкин.
"Бу қийин лаҳза. Педру жуда хафа ва биз ҳаммамиз уни қўллаб-қувватлаш учун шу ердамиз. У қандай қарор қабул қилмасин - ўйнайдими ёки йўқми - бу тўғри бўлади ва биз уни тўлиқ қўллаб-қувватлаймиз," - дея Маресканинг сўзларини келтиради Reuters.
28 ёшли Жота укаси Андре билан бирга Испанияда 3 июль куни эрталаб содир бўлган ЙТҲда ҳалок бўлди. "Ливерпуль" португалиялик футболчи ўйнаган 20-рақамни музлатганини маълум қилди.
