Франциянинг "ПСЖ" клубига тегишли бўлган испаниялик вингер Марко Асенсио Истанбулнинг "Фенербахче" клуби қизиқишлари доирасида бўлиб турибди. Бу ҳақда L'Equipe журналистлари хабар бермоқда.
Манбага маълум бўлишича, Туркия топ-клуби раҳбарияти 29 ёшли футболчининг трансфери учун 15 миллион евро таклиф қилмоқда. Асенсионинг ўзи ҳам "канарейкалар" таклифини қабул қилишга шошилмаяпти. Марко фаолиятини давом эттиришнинг бошқа вариантларини кўриб чиқмоқчи. Шундан сўнг у узил-кесил қарор қабул қилади.
Ўтган мавсумда испаниялик барча турнирларда 37 та ўйин ўтказди. У ўнта гол ва бешта голли узатма муаллифи бўлди.
