Fransiyaning "PSJ" klubiga tegishli bo‘lgan ispaniyalik vinger Marko Asensio Istanbulning "Fenerbaxche" klubi qiziqishlari doirasida bo‘lib turibdi. Bu haqda L'Equipe jurnalistlari xabar bermoqda.
Manbaga ma’lum bo‘lishicha, Turkiya top-klubi rahbariyati 29 yoshli futbolchining transferi uchun 15 million yevro taklif qilmoqda. Asensioning o‘zi ham "kanareykalar" taklifini qabul qilishga shoshilmayapti. Marko faoliyatini davom ettirishning boshqa variantlarini ko‘rib chiqmoqchi. Shundan so‘ng u uzil-kesil qaror qabul qiladi.
O‘tgan mavsumda ispaniyalik barcha turnirlarda 37 ta o‘yin o‘tkazdi. U o‘nta gol va beshta golli uzatma muallifi bo‘ldi.
