Николо Скиранинг хабар беришича, "Ал-Ҳилол" "Интер" ярим ҳимоячиси Хоқон Чалханўғлуга қизиқиш билдирмоқда.
Манба берган хабарга кўра, 31 ёшли туркиялик футболчига ёзда "Интер"нинг собиқ устози Симоне Индзаги бошчилик қилган Саудия Арабистони клуби қизиқмоқда.
Бироқ, “Галатасарой” ҳамон Чалханўғлуни қўлга киритиш учун асосий фаворит бўлиб турибди. Турк клуби ҳозирча футболчи бўйича “Интер”га расмий таклиф билан чиққани йўқ.
Айни вақтда “Интер” футболчиси учун 30 миллион евро олмоқчи. Хоқоннинг "Интер" билан амалдаги шартномаси яна икки йилга мўлжалланган.
Ўтган мавсумда Хоқон клуб сафида 47та ўйин ўтказиб, 11та гол урди ва 8та голга ассистентлик қилди.
