"Реал" клублар ўртасидаги жаҳон чемпионатида ғолиб чиқиш учун футболчиларга 1 млн евродан ваъда берди.
Мадрид клуби шанба куни чорак финалда Дортмунднинг "Боруссия" клубига қарши майдонга тушади.
AS нашрининг ёзишича, клубда мусобақани "стратегик" деб аташмоқда, футболчилар олдига соврин ютиш мақсади қўйилган.
"Реал" ҳар бир футболчига ғалаба учун миллион евродан тўлашга тайёр - бу "Мадрид" қисқа турнир давомида футболчиларга таклиф қилган энг катта мукофотдир.
Қайд этилишича, январь ойида "Реал" клублар ўртасидаги жаҳон чемпионатига оддий мавсумолди сафари сифатида эмас, балки Чемпионлар лигаси даражасидаги турнир сифатида қараган.
Бундай хабар "Реал" президенти Флорентино Пересдан чиққан ва футболчиларга етказилган. Перес аллақачон икки марта АҚШга учиб келган ва клуб ўйинларини томоша қилган.
