Футбол бўйича Ўзбекистон Суперлигасининг 15-туридан ўрин олган учрашувлар 4 июль, жума куни бўлиб ўтди.

Бугунги кунга иккита баҳс белгиланган эди. Уларнинг дастлабкиси Жиззахда кечди – “Сўғдиёна” – “Қўқон-1912” жамоалари ўртасида.

Биринчи бўлимнинг 36-дақиқасида қўқонликлар дарвозаси томон белгиланган пенальтини Люпчо Дориев аниқ амалга оширди. Орадан 5 дақиқа ўтиб Дориев дублга эришди.

Иккинчи бўлимнинг илк дақиқаларидан меҳмонлар ҳужумга ўтди ва 47-дақиқада Муҳаммаданас Ҳасанов ҳисобни қисқартирди. Мазкур ҳисоб бошқа ўзгармади.

Ушбу ғалаба билан жиззахликлар 16 очко билан 11-ўринни эгаллаб турибди. Қўқонликлар эса 12 очко билан 15-поғонадан жой олган.

Суперлига

15-тур

4 июль, жума

“Сўғдиёна” — “Қўқон-1912” 2:1

Голлар: Люпчо Дориев, 36 пен (1:0), Люпчо Дориев, 41 (2:0), Муҳаммаданас Ҳасанов, 47 (2:1)