Маркус Тюрам Премьер-лига клубларининг эътиборини тортди.
"Интер" футболчисига марказий ҳужумчи қидираётган "Арсенал" ва "Манчестер Юнайтед" клублари қизиқмоқда. Қайд этилишича, уни 2023 йилда ўз сафига қўшиб олмоқчи бўлган "ПСЖ" ҳам футболчига бўлган қизиқишини жонлантириши мумкин.
Маркуснинг клуб билан шартномасида товон пули 85 миллион еврони ташкил этади.
Шунингдек, Тюрам кетган тақдирда "Интер" Мойзе Кин вариантини кўриб чиқаётгани хабар қилинган. "Фиорентина" ҳужумчисининг товон пули 52 миллион евро ва бу 15 июлгача амал қилади.
Тюрам ўтган мавсумда А Серияда 32 та ўйинда майдонга тушиб, 14 та гол урди ва 4 та голли узатмани амалга оширди.
