"Ноттингем Форест" вингери Энтони Эланга "Ньюкасл"га ўтиши мумкин. Бу ҳақда журналист Руди Галетти маълум қилди.
Аввалроқ, "қарғалар" "ўрмончилар"га 63 миллион евролик янги таклиф билан чиққани маълум бўлганди.
Манбанинг таъкидлашича, ҳозирча клублар ўртасида якуний келишув йўқ, аммо сўнгги таклифнинг бироз яхшиланиши битимни муваффақиятли якунлашга ёрдам бериши мумкин. Шу билан бирга, "Ньюкасл" ва "Ноттингем Форест" аллақачон Эланга трансфери бўйича тўловлар таркибини муҳокама қилмоқда, дея таъкидлайди манба.
Жорий мавсумда 23 ёшли швециялик 43 та ўйинда майдонга тушиб, 6 та гол урди ва 12 та голли узатмани амалга оширди.
