"Nottingem Forest" vingeri Entoni Elanga "Nyukasl"ga o‘tishi mumkin. Bu haqda jurnalist Rudi Galetti ma’lum qildi.

Avvalroq, "qarg‘alar" "o‘rmonchilar"ga 63 million yevrolik yangi taklif bilan chiqqani ma’lum bo‘lgandi.

Manbaning ta’kidlashicha, hozircha klublar o‘rtasida yakuniy kelishuv yo‘q, ammo so‘nggi taklifning biroz yaxshilanishi bitimni muvaffaqiyatli yakunlashga yordam berishi mumkin. Shu bilan birga, "Nyukasl" va "Nottingem Forest" allaqachon Elanga transferi bo‘yicha to‘lovlar tarkibini muhokama qilmoqda, deya ta’kidlaydi manba.

Joriy mavsumda 23 yoshli shvesiyalik 43 ta o‘yinda maydonga tushib, 6 ta gol urdi va 12 ta golli uzatmani amalga oshirdi.