Бразилияда давом этаётган конфедерациялар кубогининг дастлабки ярим финал учрашуви ниҳоясига етди. Унга кўра, мезбонлар Бразилия терма жамоаси Уругвай билан куч синашди.

Учрашувнинг дастлабки қисмида Уругвай ҳисобда олдинга чиқиб олиши мумкин эди. Бироқ Диего Форлан белгиланган пенальтини аниқ амалга ошира билмади. Натижада 41-дақиқага келиб Фред Бразилияни ҳисобда олдинга олиб чиқди.

Иккинчи бўлимда эса Эдинсон Кавани ҳисобни тенглаштирди. Шундан сўнг кураш муросасиз кўриниш олди ва фақатгина 86-дақиқадагина Паулиньо Неймарнинг пасидан кейин гол киритиб жамоасига финал йўлланмасини тақдим этди.

Конфедерациялар Кубоги
1/2 финал

БРАЗИЛИЯ – УРУГВАЙ 2:1 (1:0)
Голлар: Фред (41), Паулиньо (86) – Кавани (48).
Бразилия: Жулио Сезар, Дани Алвес, Давид Луиз, Тиаго Силва, Марсело, Луис Густаво, Оскар (Эрнанес, 73), Паулиньо, Халк (Анисио, 64), Неймар (Данте, 90), Фред.
Уругвай: Муслера, Лугано, М. Касерес, Годин, М.Перейра, Аревало, К. Родригес, А. Гонсалес (Гаргано, 83), Форлан, Кавани, Суарес.
Огоҳлантиришлар: Давид Луиз (13), Кавани (21), Л. Густаво (39), А. Гонсалес (74), Марсело (75).