Парижнинг "ПСЖ" клуби бош мураббийи Луис Энрике вингер Брэдли Баркола атрофидаги вазиятга изоҳ берди. Мураббийнинг сўзларига кўра, футболчи жамоада қолади.
"У биз билан қолишига шубҳа қилмайман. У биз ишонган ёш ўйинчилардан бири. Мен унинг бу ерда яна кўп йиллар ўйнашини кутмоқдаман," - деди мураббий.
Аввалроқ, Барколага "Бавария" ва "Ливерпуль" клублари қизиқиш билдираётгани ҳақида хабар берилганди. Шунга қарамай, "ПСЖ" истиқболли футболчини сақлаб қолмоқчи. 2024/25 йилги мавсумда Баркола клуб сафида 58 та ўйинда майдонга тушиб, 21 та гол ва 19 та голли узатмани амалга оширди.
