"Милан" форварди Франческо Камарда "Лечче"га ўтмоқда.
Бу ҳақда "Лечче" клубнинг ижтимоий тармоқлардаги расмий саҳифаларида маълум қилди.
17 ёшли ҳужумчи 7 июль, душанба куни тиббий кўрикдан ўтиш ва трансферни якунлаш учун "Лечче" қароргоҳига етиб келади.
Ҳозирча, Италия клуби ҳужумчини сотиб олиш бўйича келишув тафсилотларини ошкор қилмаяпти.
Аввалроқ, Франческо Камарда "Лечче"га ижара асосида ўтиши, клуб эса ҳужумчининг шартномасини "Милан"дан 3 миллион еврога сотиб олиш ҳуқуқига эга бўлиши ҳақида хабарлар тарқалган эди.
Шу билан бирга, "россонерилар" футболчини 4 миллион еврога қайта сотиб олиш ҳуқуқига эга бўлади.
