"Ноттингем Форест" ҳужумчиси Каллум Хадсон-Одои клуб билан шартномасини узайтириш борасида музокаралар олиб бормоқда. Бу ҳақда Sky Sports нашри хабар берди.

Манбага кўра, музокаралар ижобий кетмоқда, бироқ Англия Премьер-лигаси ва А Серия клублари вазиятни кузатиб боришмоқда. Футболчининг клуб билан амалдаги шартномаси 2026 йилнинг ёзига қадар мўлжалланган.

Ўтган мавсумда Каллум Хадсон-Одои 36 та ўйинда 5 та гол урди ва 3 та голли узатмани амалга оширди. Transfermarkt сайти хабарига кўра, футболчининг бозор қиймати 25 миллион еврога баҳоланмоқда.

Англия Премьер-лигасининг 2024/2025 йилги мавсуми якунларига кўра, "Ноттингем Форест" 65 очко билан турнир жадвалида еттинчи ўринни эгаллади.