"Барселона" Витор Роке учун кафолатланган 2 млн евро бонусдан маҳрум бўлди.
Ҳужумчи қишда 25,5+5 млн евро эвазига "Палмейрас"га ўтганди.
Mundo Deportivo нашрининг хабар беришича, 5 млн евролик бонуслардан 2 млн евро Роке клублар ўртасидаги жаҳон чемпионатида энг яхши футболчилар кучли учлигига кирган тақдирда тўланиши керак эди. "Палмейрас" 1/4 финалда "Челси"дан (1:2) чиқиб кетганидан сўнг, бу шарт энди бажарилмайди.
"Палмейрас" билан шартнома муддати давомида Рокенинг "Олтин тўп" учун курашда кучли учликка кириши учун яна 2 млн евро бонуслар кўзда тутилган. Агар Витор Бразилия клуби билан халқаро турнирда ғалаба қозонса, "Барселона" 1 млн евро олади.
Роке "Палмейрас"нинг клублар ўртасидаги Жаҳон чемпионатидаги барча 5 та ўйинида майдонга тушди, аммо самарали ҳаракатлари билан ажралиб турмади.
