"Реал" ҳужумчиси Гонсало Гарсия ўзини Хоселу билан таққослаш ҳақидаги саволга жавоб берди. 21 ёшли футболчи клублар жаҳон чемпионатида асосий таркибида ажойиб ўйин кўрсатмоқда, Килиан Мбаппе эса касалликдан сўнг формасини тиклашда давом этмоқда.
Ёш испанияликни кўпинча "Реал"да зарур пайтда асосий юлдузларни алмаштиришга қодир бўлган намунали соф ҳужумчига айланган Хоселуга қиёслашади.
"Ўзимни янги Хоселу деб ҳисоблайдимми? Ҳа, мен жарима майдонининг соф ҳужумчиси бўлишим мумкин. Бундай тарзда ўйнашни ёқтираман, лекин ўзимни фақат шу роль билан чеклашни истамайман. Гол ураётганимда ҳаммаси жойида," - дея Гарсиянинг сўзларини келтиради Madrid Universal.
Гонсалонинг ҳисобида 2025 йилги КЖЧда ўтказилган бешта ўйинда тўртта гол ва битта ассист мавжуд.
