"Интер Майами"нинг аргентиналик ҳужумчиси Лионель Месси ўз жамоасида кўрмоқчи бўлган футболчисини айтди.
Fichajes нашри тарқатган хабарга кўра, юлдуз ҳужумчи клуб раҳбариятидан Ла Лигада "Атлетико" сафида тўп тепаётган ҳамюрти Родриго де Паулни ўз сафига қўшиб олишни сўраган. Мессининг фикрича, ярим ҳимоячи жамоага чемпионлик учун курашда ёрдам беради.
"Интер Майами" раҳбарияти аллақачон де Паулнинг агентлари билан музокараларга киришган. Ярим ҳимоячининг трансфер нархи 15 миллион еврога баҳоланмоқда. Родригонинг "матрасчилар" билан меҳнат шартномаси муддати келаси йилнинг ўрталарида тугайди.
