The Independent хабар беришича, "Ливерпуль" жамоаси мавсумолди тайёргарлигининг бошланишини кейинга сурди. Бу қарор 3 июль куни йўл транспорт ҳодисасида ҳалок бўлган жамоа ҳужумчиси Диогу Жотанинг фожиали ўлими туфайли қабул қилинган.
Дастлаб ўйинчиларнинг биринчи гуруҳи 4 июлда базада машғулотларни бошлаши, 8 июлдан эса тўлиқ ҳажмдаги машқлар бошланиши режалаштирилганди. Аммо 5 июлда ўтказилган дафн маросимидан сўнг, муддатлар ўзгартирилди.
Илгари маълум бўлганидек, "Ливерпуль" раҳбарияти Жота оиласига амалдаги шартнома бўйича қолган барча маблағларни тўлиқ тўлаб беради. Диогу мерсисайдликлар сафида 2020 йилдан бери тўп тепиб келаётган эди.
