The Independent xabar berishicha, "Liverpul" jamoasi mavsumoldi tayyorgarligining boshlanishini keyinga surdi. Bu qaror 3 iyul kuni yo‘l transport hodisasida halok bo‘lgan jamoa hujumchisi Diogu Jotaning fojiali o‘limi tufayli qabul qilingan.
Dastlab o‘yinchilarning birinchi guruhi 4 iyulda bazada mashg‘ulotlarni boshlashi, 8 iyuldan esa to‘liq hajmdagi mashqlar boshlanishi rejalashtirilgandi. Ammo 5 iyulda o‘tkazilgan dafn marosimidan so‘ng, muddatlar o‘zgartirildi.
Ilgari ma’lum bo‘lganidek, "Liverpul" rahbariyati Jota oilasiga amaldagi shartnoma bo‘yicha qolgan barcha mablag‘larni to‘liq to‘lab beradi. Diogu mersisaydliklar safida 2020 yildan beri to‘p tepib kelayotgan edi.
