Массимилиано Аллегри фаолиятида иккинчи марта "Милан" бош мураббийи лавозимини эгаллади. "Россонерилар"ни қабул қилиб олган Аллегри жамоа учун қатъий қоидалар ўрнатди. Бу ҳақда La Gazzetta dello Спортъга таяниб, Transfer News Live хабар бермоқда.
Манбага кўра, Аллегри учрашувлар, овқатланиш ва кийиниш хонасида смартфонларни тақиқлаган. "Милан" устози кечикиш учун футболчини "Барселона"даги Ханс-Дитер Флик каби маълум муддатга четлатади. Шунингдек, Аллегри футболчиларни вазнни назорат қилишга чақирди - жамоа базада нонушта ва тушлик қилиши керак.
Ўтган Италия чемпионатида "Милан" саккизинчи ўринни эгаллаб, еврокубоклардан қуруқ қолганди.
