"Бавария" клублар ўртасидаги жаҳон чемпионатини тарк этди. Турнирнинг чорак финалида Венсан Компани жамоаси "ПСЖ"га 0:2 ҳисобида ютқазди. Ўйиннинг эртаси куни мюнхенликлар ҳужумчиси Харри Кейн ижтимоий тармоқларда пост қолдирди.
"Шунча меҳнат қилган нарсамизга эриша олмаганимиздан хафа бўлдик. Энди биз дам олишимиз, тикланишимиз ва янги мавсумга тетик қайтишимиз керак," - деб ёзди Кейн.
"Бавария" келаси мавсумнинг илк расмий ўйинини 16 август куни Германия Суперкубоги доирасида "Штутгарт"га қарши ўтказади. Бундеслиганинг дастлабки турида эса мюнхенликлар 22 август куни "РБ Лейпциг"ни қабул қилади.
