Саудиянинг "Ал-Аҳли" жамоаси қишда Лионель Мессини ўз сафига қўшиб олишга умид қилмоқда. Клуб ва "Интер Майами" ўртасидаги музокаралар бир неча ҳафтадан бери давом этмоқда, деб хабар беради L'Equipe.
Шу билан бирга, саудияликлар аргентиналик футболчини сотиб олиш учун пул сарфлашни истамаяпти ва декабрь ойигача, аргентиналикнинг “Интер Майами” билан шартномаси тугашини кутишмоқда.
Ўз навбатида Америка клуби ҳам жаҳон чемпионини жамоада сақлаб қолиш ва унга янги шартнома таклиф қилишни режалаштирган.
Жорий мавсумда Месси 18 та ўйинда майдонга тушиб, 13 та гол урди ва 6 та голли узатмани амалга оширди.
