Уругвай терма жамоаси ва "Наполи" ҳужумчиси Эдинсон Кавани клуб президенти Аурелио де Лаурентиснинг "Агар Кавани эркак бўлса, у "Наполи"да қолади" қабилидаги гапига ОАВ орқали жавоб йўллади.
"Мен ҳали ҳам "Наполи" ўйинчисиман ва ҳар доим клубни ҳурмат қиламан. Шунинг учун ҳам президентимиз билан иложи борича тезроқ юзма-юз эркакча гаплашиб олишни хоҳлаяпман", дейди футболчи.
Шунингдек, футболчи ўз терма жамоасининг Бразилияга қарши Конфедерациялар кубоги ярим финалидаги ўйини ҳақида ҳам гапириб ўтди.
"Амалга оширилган пенальти ўзимизга бўлган ишончни камайтириб юборди. Бразилиялардан кўра биз кўпроқ ҳужум қилдик, лекин бу футбол. Хафсаламиз пир бўлди. Ўта кучли жамоага қарши жуда яхши ўйнагандик", дея қайд этди Кавани.