Мадриднинг "Атлетико" ва Лондоннинг "Тоттенхэм" клублари марказий ҳимоячи Кристиан Ромеронинг трансфер шартларини келиша олмаяпти.
Аргентиналик футболчи ёзда "матрасчилар"нинг асосий трансфер мақсадларидан бири сифатида кўрилмоқда, аммо "шпорлар" ўз юлдузи билан хайрлашишга шошилмаяпти. Журналист Дэвид Мединанинг маълум қилишича, Лондон клуби Ромеро учун 70 млн евро сўрамоқда ва ҳеч кимга ён босмоқчи эмас. "Атлетико" бундай талабни қондиришга тайёр эмас, шунинг учун 27 ёшли футболчининг ўзи Мадридга кўчиб ўтиш истаги барибир "Тоттенхэм"ни нархни пасайтиришга мажбур қилади, деб ҳисобламоқда.
Transfermarkt портали талқинига кўра, Кристиан Ромеронинг нархи 50 млн еврони ташкил этади. Футболчининг амалдаги шартномаси 2027 йилнинг ёзида якунига этади.
