"Брентфорд" футболчиси Кристиан Нёргор Лондоннинг "Арсенал" клуби билан шартнома имзолашга яқин турибди. Бу ҳақда журналист Бен Якобс ўз ижтимоий тармоқларида маълум қилди.
Манбага маълум бўлишича, даниялик футболчи "канонирлар"га 11,5 миллион еврога тушади. Яна 5,8 миллион евро бонус сифатида маълум шартлар бажарилганда тўланади.
31 ёшли Нергор ўтмишда "Фиорентина" ва "Брондбю" клубларида ҳам тўп тепган. Ўтган мавсумда ўз мамлакати миллий терма жамоасида ўйнаш тажрибасига эга таянч ярим ҳимоячиси барча эҳтимолий клуб турнирларида 35 та ўйинда 5 та гол ва 4 та голли узатмани амалга оширди.
