"Челси" ҳужумчиси Жоао Педро клублар ўртасидаги жаҳон чемпионатининг 1/4 финалида "Палмейрас"га қарши ўйинда жамоа сафида дебют қилди.
23 ёшли футболчи 54-дақиқада захирадан майдонга тушди ва жамоасининг ғалаба қозонишига ёрдам берди (2:1). Бир неча кун олдин "кўклар" ҳужумчи "Брайтон"дан трансфер қилинганини расман эълон қилганди.
"Мен майдонга тушишим биланоқ "Челси" мухлисларининг муҳаббати ва қўллаб-қувватлашини ҳис қилдим. Ҳеч қандай босимни ҳис қилмадим, ўзимни қулай ҳис қилдим. Мен шунчаки топ-клубда ўйнаш орзусини амалга оширган йигитман," - дея бразилияликнинг сўзларини келтиради "Челси" матбуот хизмати.
Клублар ўртасидаги жаҳон чемпионати ярим финалида Энцо Мареска жамоаси "Флуминенсе"га қарши баҳс олиб боради.
