"Chelsi" hujumchisi Joao Pedro klublar o‘rtasidagi jahon chempionatining 1/4 finalida "Palmeyras"ga qarshi o‘yinda jamoa safida debyut qildi.
23 yoshli futbolchi 54-daqiqada zaxiradan maydonga tushdi va jamoasining g‘alaba qozonishiga yordam berdi (2:1). Bir necha kun oldin "ko‘klar" hujumchi "Brayton"dan transfer qilinganini rasman e’lon qilgandi.
"Men maydonga tushishim bilanoq "Chelsi" muxlislarining muhabbati va qo‘llab-quvvatlashini his qildim. Hech qanday bosimni his qilmadim, o‘zimni qulay his qildim. Men shunchaki top-klubda o‘ynash orzusini amalga oshirgan yigitman," - deya braziliyalikning so‘zlarini keltiradi "Chelsi" matbuot xizmati.
Klublar o‘rtasidagi jahon chempionati yarim finalida Enso Mareska jamoasi "Fluminense"ga qarshi bahs olib boradi.
