Ёзги трансферлар вақтида "Манчестер Сити" ўнг қанот ҳимоясига янги футболчи сотиб олмоқчи. "Шаҳарликлар"нинг трансфер мақсадлари рўйхатида "Ньюкасл" аъзоси Тино Ливраменто ҳам бор.
Transfer News Live нашрининг Football Insider'га таяниб хабар беришича, "Ньюкасл" 22 ёшли Ливраментони "Манчестер Сити"га 80 миллион фунт (93 миллион евро) эвазига сотишга тайёр.
Шу билан бирга, қайд этилишича, "Ньюкасл" бош мураббийи Эдди Ҳау Ливраментонинг жамоада қолишини жуда хоҳламоқда.
Тино Ливраменто "Ньюкасл"да икки мавсум ўтказди. Бу вақт ичида футболчи 80 та ўйин ўтказиб, битта гол урди ва иккита голли узатмани амалга оширди.













