Лондоннинг “Челси” клуби ярим ҳимоячиси Мойзес Кайседо жаҳон футболининг энг яхши футболчиларидан бирига айланиш ниятида эканини айтди.
"Ўз устимда кўп меҳнат қиламан, дунёнинг энг яхши ярим ҳимоячиларидан бирига айланишни истайман. Майдонда ҳаммасини исботлайман. Мен юқори савиядаги футбол ўйнашни хоҳлайман. Лекин ҳозирча мен энг яхшилардан бири сифатида эътироф этиладиган даражада эмасман. Ҳали яхшиланишим керак бўлган нарса кўп", - дейди ярим ҳимоячи.
23 ёшли эквадорлик футболчи ўтган мавсумда Англия Премьер-лигасида 38 та ўйинда майдонга тушди. Кайседо гол урди, иккита голли узатмани амалга оширди ва 11 та сариқ карточка олди.
