Londonning “Chelsi” klubi yarim himoyachisi Moyzes Kaysedo jahon futbolining eng yaxshi futbolchilaridan biriga aylanish niyatida ekanini aytdi.
"O‘z ustimda ko‘p mehnat qilaman, dunyoning eng yaxshi yarim himoyachilaridan biriga aylanishni istayman. Maydonda hammasini isbotlayman. Men yuqori saviyadagi futbol o‘ynashni xohlayman. Lekin hozircha men eng yaxshilardan biri sifatida e’tirof etiladigan darajada emasman. Hali yaxshilanishim kerak bo‘lgan narsa ko‘p", - deydi yarim himoyachi.
23 yoshli ekvadorlik futbolchi o‘tgan mavsumda Angliya Premyer-ligasida 38 ta o‘yinda maydonga tushdi. Kaysedo gol urdi, ikkita golli uzatmani amalga oshirdi va 11 ta sariq kartochka oldi.
