“Флуминенсе” клуби марказий ҳимоячиси, аввалроқ “Челси”да ўйнаган Тиаго Силва клублар ўртасидаги жаҳон чемпионати ярим финал учрашуви олдидан "жосуслик" қилганини тан олди. Ўйин бугун, 8 июль куни МетЛайф стадионида бўлиб ўтади.
"Мураббийлар штабига орамизда қоладиган майда-чуйдалар билан ёрдам беришга ҳаракат қиляпман. Яқинда Лондонда бўлдим, фарзандларимни кўрдим ва бир нечта машғулотларга бордим. Мен кўплаб футболчиларни биламан ва улар билан деярли ҳар ҳафта гаплашаман. Улардан баъзилари менга жуда яқин", — деб Силва сўзларини келтиради Британиянинг Daily Mail интернет нашри.
