“Fluminense” klubi markaziy himoyachisi, avvalroq “Chelsi”da o‘ynagan Tiago Silva klublar o‘rtasidagi jahon chempionati yarim final uchrashuvi oldidan "josuslik" qilganini tan oldi. O‘yin bugun, 8 iyul kuni MetLayf stadionida bo‘lib o‘tadi.
"Murabbiylar shtabiga oramizda qoladigan mayda-chuydalar bilan yordam berishga harakat qilyapman. Yaqinda Londonda bo‘ldim, farzandlarimni ko‘rdim va bir nechta mashg‘ulotlarga bordim. Men ko‘plab futbolchilarni bilaman va ular bilan deyarli har hafta gaplashaman. Ulardan ba’zilari menga juda yaqin", — deb Silva so‘zlarini keltiradi Britaniyaning Daily Mail internet nashri.
