Ҳужумчи Жоао Педро "Челси" сафидаги дебют голини урди. 23 ёшли футболчи бир ҳафтадан камроқ вақт олдин "кўклар" сафига қўшилган бўлса, бугун клублар ўртасидаги жаҳон чемпионати ярим финалида "Флуминенсе"га қарши ўйинда жамоа сафида гол урди. Opta хабарига кўра, Педро ўтган ёзда жамоани тарк этган Тьяго Силвадан кейин "Челси" сафида расмий ўйинда гол урган илк Бразилия вакили бўлди. Бугунги баҳсда Силва ҳам иштирок этмоқда - у Рио-де-Жанейро жамоасининг асосий таркибида майдонга тушди.

Жоао Педро "Брайтон"дан "Челси"га ўтди. Қизиғи шундаки, у фаолиятининг бошида айнан "Флуминенсе"да ўйнаган - бу унинг қадрдон клуби.